തുടര്ന്ന് ഗവര്ണര്ക്കെതിരെ നിയമസഭ പ്രമേയം പാസാക്കുകയും ചെയ്തിരുന്നു. ഓണ്ലൈന് റമ്മിയടക്കമുള്ള ചൂതാട്ടങ്ങളുടെ ഏത് തരത്തിലുള്ള പരസ്യവും പ്രചാരണവും നിയമവിരുദ്ധമാക്കുക എന്ന ലക്ഷ്യത്തോടെയാണ് സംസ്ഥാന സര്ക്കാര് ബില്ല് പാസാക്കിയത്.
പ്രതിപക്ഷ പാര്ട്ടികളും ബില്ലിന് അനുകൂല നിലപാടാണ് സ്വീകരിച്ചത്. എന്നാല് ഗവര്ണര് ബില്ലില് ഒപ്പുവെക്കാതിരുന്നതോടെ കാലാവധി അവസാനിച്ച് ബില്ല് അസാധുവാകുകയായിരുന്നു. ഗവര്ണറുടെ നടപടിക്കെതിരെ സാമൂഹിക മാധ്യമങ്ങളിലടക്കം കടുത്ത വിമര്ശനമാണ് ഉയര്ന്നുവരുന്നത്.
അടുത്ത നിയമസഭാ സമ്മേളനത്തില് ഓര്ഡിനന്സിന് എം കെ സ്റ്റാലിന് മന്ത്രിസഭാ അംഗീകാരം നല്കുന്നതോടെ സംസ്ഥാനത്ത് പുതിയ നിയമം പ്രാബല്യത്തില് വരും. ഓണ്ലൈന് ഗെയിം കളിച്ച് വന് സാമ്പത്തിക നഷ്ടമുണ്ടായി ആത്മഹത്യ കൂടിയതിനെ തുടര്ന്ന് ഇതിനെക്കുറിച്ച് പഠിക്കാന് സംസ്ഥാന സര്ക്കാര് ഒരു കമ്മീഷനെ നിയോഗിച്ചിരുന്നു. റിട്ട. ഹൈകോടതി ജസ്റ്റിസ് കെ. ചന്ദ്രുവിന്റെ നേതൃത്വത്തിലായിരുന്നു പഠനം നടത്തിയത്.